Ət yemək 100 yaşa qədər yaşamaq ehtimalını artıra bilər – Araşdırma
Çinli alimlərin araşdırmasına görə, 80 yaşdan yuxarı, çəkisi normadan az olan şəxslərdə müntəzəm ət istehlakı 100 yaşa qədər yaşamaq ehtimalının artması ilə əlaqələndirilib. Tədqiqatda 5 203 nəfərin məlumatları təhlil edilib və bu əlaqənin əsasən qadınlarda müşahidə olunduğu müəyyənləşdirilib.
Day.Az xəbər verir ki, nəticələrə əsasən, çəkisi normadan az olan və hər gün ət yeyən yaşlıların 100 yaşına çatmaq ehtimalı vegetarianlarla müqayisədə 44 faiz daha yüksək olub. Normal və artıq çəkili şəxslərdə isə belə fərq aşkarlanmayıb. Balıq, yumurta və süd məhsulları qəbul edən, lakin ət yeməyən şəxslərdə də uzunömürlülük göstəriciləri ət yeyənlərə yaxın olub.
Tədqiqatçılar bildirirlər ki, yaşlılıq dövründə kifayət qədər zülal və kalori qəbulu əzələ kütləsinin qorunması və zəifliyin qarşısının alınması baxımından vacibdir. Bununla belə, araşdırma ət yeməyin birbaşa ömrü uzatdığını sübut etmir. Nəticələr The American Journal of Clinical Nutrition jurnalında dərc olunub.
Заметили ошибку в тексте? Выберите текст и сообщите нам, нажав Ctrl + Enter на клавиатуре
