Hakan Fidan bir sıra diplomatik təmaslar keçirib

Türkiyə xarici işlər naziri Hakan Fidan İndoneziyanın seçilmiş prezidenti, eyni zamanda müdafiə naziri Prabovo Subianto ilə görüşüb.

Day.Az TurkicWorld-a istinadən xəbər verir ki, bu barədə Türkiyə Xarici İşlər Nazirliyinin sosial media hesabından paylaşım edilib.

Eyni zamanda Hakan Fidan Cənubi Afrika Respublikasının xarici işlər naziri Lamola ilə telefonla danışıb.

Fidan yenicə vəzifəsinin icrasına başlayan həmkarını təbrik edib.

Görüşlər zamanı ikitərəfli münasibətlər və Qəzzadakı vəziyyət də müzakirə edilib.