Ötən il sosial ödənişlər üzrə xərclənən məbləğ

2024-cü ilin yanvar-dekabr ayları ərzində pensiya, müavinət, təqaüd və ünvanlı dövlət sosial yardımları üzrə ödənişlərdə artım qeydə alınıb.

Day.Az xəbər verir ki, bu barədə Dövlət Sosial Müdafiə Fondu (DSMF) məlumat yayıb.

Bildirilib ki, 2024-cü ilin yanvar-dekabr ayları ərzində pensiya, müavinət, təqaüd və ünvanlı dövlət sosial yardımları üzrə əhaliyə ötən ilin müvafiq dövrünə nisbətən təqribən 808,3 mln manat və ya 10,08% çox olmaqla 8 mlrd 835 mln manatdan çox vəsait ödənilib.