Yol-nəqliyyat hadisəsi təhlükəli vəziyyət yaradıb

Day.Az представляет новость на азербайджанском языке

Lerikdə yol-nəqliyyat hadisəsi baş verib.

Day.Az APA-ya istinadən xəbər verir ki, hadisə ötən gecə rayonunun Piran kəndi ərazisində qeydə alınıb.

Yük maşını aşaraq bir gün əvvəl nasazlıq səbəbindən alt yolda dayanmış digər yük maşınının üstünə düşüb və onu oksigen balonlarının mühafizə olunduğu anbara tərəf aşırıb.
 
Nəticədə təhlükəli vəziyyət yaranıb.
 
Hadisə yerinə Fövqəladə Hallar Nazirliyinin Cənub Regional Mərkəzinin xilasediciləri, rayonun hüquq-mühafizə orqanlarının əməkdaşları cəlb olunublar. Hazırda qəza şəraiti qiymətləndirilməklə, maşınların anbardan uzaqlaşdırılması istiqamətində tədbirlər görülür.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.