Azərbaycan kubokunda 1/4 finalın ilk cütü müəyyənləşib

Azərbaycan kubokunda 1/4 final mərhələsinin ilk cütü müəyyənləşib.

İdman.biz xəbər verir ki, bu, 1/8 final mərhələsinin ikinci günündə baş tutan "Qəbələ" - "Qarabağ" oyunundan sonra bəlli olub.

Səfərdə 2:0 hesabı ilə qalib gələn Ağdam klubu 1/4 finalda "Səbail"lə görüşəcək. Paytaxt təmsilçisi bir gün əvvəl "Qaradağ Lökbatan"ı 2 cavabsız qolla üstələyib.

1/4 final mərhələsi 2025-ci il fevralın 5-də və 27-də keçiriləcək. İlk oyun "Səbail"in, cavab qarşılaşması "Qarabağ"ın meydanında baş tutacaq.

Qeyd edək ki, digər üç cüt bu gün keçiriləcək digər matçlardan sonra dəqiqləşəcək.