Bu şəhərdə də avtobus zolaqları çəkiləcək?

Naxçıvan Muxtar Respublikasında avtobus zolaqlarına hələlik ehtiyac yoxdur.

Day.Az xəbər verir ki, bunu Trend-ə müsahibəsində Naxçıvan Muxtar Respublikasınının rəqəmsal inkişaf və nəqliyyat nazirinin səlahiyyətlərini müvəqqəti icra edən, nazir müavini Rahid Ələkbərov.

Nazir bildirib ki, Bakı ilə müqayisədə, Naxçıvan Muxtar Respublikasının yollarında sıxlıq azdır.

"Bu səbəbdən avtobus zolaqlarına hələlik ehtiyac yoxdur. Əgər ehtiyac olarsa, burada da avtobus zolaqları təşkil etmək olar.

Onu da qeyd edim ki, artıq şəhərdə velosiped zolaqlarının salınmasına başlamışıq", - deyə R.Ələkbərli qeyd edib.