Bakıda yolun ortasında avtomobil yandı, tıxac yarandı

Ötən gün paytaxtın Xətai rayonu, Yusif Səfərov küçəsində hərəkətdə olan nəqliyyat vasitələrindən birində yanğın baş verib. 

Day.Az xəbər verir ki, bu barədə DİN-in Nəqliyyatı İntellektual İdarəetmə Mərkəzi məlumat yayıb.

Ərazidə xidmət aparan yol polisi əməkdaşları tərəfindən dərhal təhlükəsizlik tədbirləri görülüb, nəqliyyat vasitələrinin hərəkəti digər istiqamətə yönləndirilib.

Polis əməkdaşlarının və vətəndaşların operativ müdaxiləsi nəticəsində yanğın qısa müddətdə söndürülərək nəqliyyat vasitəsi yolun hərəkət hissəsindən kənarlaşdırılıb.