Xırdalan və Masazırda səhərdən sular kəsilib

Abşeron rayonu Xırdalan və Masazır qəsəbələrində səhər saatlarından suyun verilməsində problem yaranıb.

Day.Az bildirir ki, bu barədə Milli.Az-a sakinlər məlumat veriblər.

Qeyd olunub ki, səhər saatlarından sular kəsilib və nə vaxt suyun veriləcəyi məlum deyil.

Məsələ ilə bağlı Azərbaycan Dövlət Su Ehtiyyatları Agentliyindən Milli.Az-a bildirilib ki, magistral su kəmərində suyun səviyyəsi azalıb və təminat çətinləşib.

"Axşam saatlarında suyun verilməsi, planlaşdırılsa da, xətlərə su çatmadığına görə, səhər saatlarında suyun verilməsi təmin olunacaq",- deyə qeyd olunub.