Bakıda idman gimnastikası üzrə Dünya kuboku təxirə salınıb

Beynəlxalq Gimnastika Federasiyası (FIG) Bakıda keçirilməli olan idman gimnastikası üzrə Dünya kubokunu təxirə salıb.

Trend bu barədə FIG-ə istinadən məlumat verir.

Həmin qərar pandemiya ilə əlaqədar tətbiq olunan məhdudiyyət tədbirləri ilə bağlı verilib.

Dünya kuboku martınn 4-dən 7-dək keçirilməli idi.

Qeyd edək ki, bir müddət əvvəl 13-14 fevral tarixlərində Bakıda keçirilməli olan batut gimnastikası və tamblinq üzrə Dünya kuboku da təxirə salınmışdı.