Bakıda F1 pilotlarının ikinci məşq sessiyasına start verildi

2022-ci il Formula 1 Azərbaycan Qran-Prisi çərçivəsində F1 pilotlarının ikinci məşq sessiyasına start verilib.

Day.Az Trend-ə istinadən bildirir ki, məşq sessiyası 18:00-19:00 saatları ərzində davam edəcək.

Bu gün F1 pilotlarının 1-ci məşq sessiyası 15:00-16:00-da baş tutub.

Qeyd edək ki, Bakı trekinin uzunluğu 6 kilometrdir. Trekdə 3 yüksəksürətli hissə, 20 döngə var, maksimal sürət isə 360 km/s təşkil edir. Yarışlarda 10 komanda iştirak edir. Formula 1 Azərbaycan Qran-Prisini canlı izləmək üçün 9 tribunada 16700 oturacaq quraşdırılıb.
Bu gün start götürən Formula 1 Azərbaycan Qran-Prisi iyunun 12-dək davam edəcək.