Belçika Azərbaycanı Ostendedə qəbul edəcək

Qadın basketbolçulardan ibarət Azərbaycan millisinin AVRO-2025-in seçmə mərhələsində son 2 görüşünün məkanı və oyun saatları müəyyənləşib.

İdman.biz xəbər verir ki, yığmamız Belçika ilə fevralın 6-da Bakı vaxtı ilə saat 23:15-də meydana çıxacaq.

Qrupun lideri komandamızı Ostende şəhərində "COREtec Dome" arenada qəbul edəcək.

Bu oyundan üç gün sonra saat 17:00-da millimiz "Sərhədçi" İdman Mərkəzində Polşa yığmasını sınağa çəkəcək.

Qeyd edək ki, basketbolçularımız qrup mərhələsində keçirdikləri bütün oyunları uduzublar.