Sənədsiz evlərlə bağlı

"Sənədsiz evlərlə bağlı qanun layihəsi hazırlanır. Nəzərə almaq lazımdır ki, həmin ərazilərdə məskunlaşma plansız həyata keçirilib". 

Day.Az Milli.az-a istinadən xəbər verir ki, bunu Torpaq Məcəlləsinə edilmiş dəyişikliklərlə bağlı keçirilən brifinqdə Əmlak Məsələləri Dövlət Xidmətinin rəis müavini Rüstəm Şahbazov bildirib.

Onun sözlərinə görə, Dövlət Xidməti hüquqların yalnız qeydiyyatı prosesini həyata keçirir:

"Bu hüquqları yaradan heç bir sənədi biz vermirik. Torpaqayırma hüququ icra hakmiyyətlərinin səlahiyyətindədir. Həmin evlər bu sənədlər olmadan tikilib. Bununla bağlı hazırlanan qanun layihəsində bu məsələlər öz əksini tapmalıdır".