Azərbaycanlı futbolçular Türkiyə kubokunun 1/8 finalında

Renat Dadaşov və Həsən Nəzərlinin çıxış etdiyi "Ankaragücü" Türkiyə kubokunda mərhələ adlayıb.

İdman.biz xəbər verir ki, təmsilçilərimizin komandası turnirin 5-ci mərhələsində "Menemenspor"la qarşılaşıb.

Məhsuldar keçən qarşılaşmada Ankara təmsilçisi 3:2 hesabı ilə qələbə qazanıb. Bu görüşdə Renat son dəqiqələrdə meydana çıxmaq şansı əldə etsə, Həsən oyunu ehtiyat oyunçular skamyasından izləyib.

Qeyd edək ki, "Ankaragücü"nün 1/8 finaldakı rəqibi püşkatmadan sonra bəlli olacaq.