Bakıda həkimin səhlənkarlığı 20 yaşlı gənci komaya saldı - VİDEO

Day.Az представляет новость на азербайджанском языке.

ANS TV-nin məlumatına görə, 20 yaşlı Nicat Məmmədovun əməliyyatdan öncə həkim səhlənkarlığı ucbatından komaya düşməsi valideynlərinin narahatlığına səbəb olub. Belə ki, gəncin valideynləri deyirlər ki, Nicat hərbi xidməti başa vurub gəldikdən sonra boğaz ağrılarından şikayətlənib. Bunun üçün valideynləri onu Məlikov adına 6 saylı birləşmiş şəhər xəstəxanasına aparıblar. Məlum olub ki, oğlanın boğazında zob var. Onun üçün dərhal əməliyyat olunması həkimlər tərəfindən təyin olunur. Bu əməliyyatı xəstəxanın burun-boğaz və qulaq həkimi Məmməd Nəsibov üzərinə götürüb. Ancaq əməliyyata hazırlıq üçün ona keyidici iynə vurulub. Bundan sonra isə 20 yaşlı gənc şoka düşüb. Ancaq həkimin gec müdaxiləsi onun beyin hüceyrələrinin ölməsinə səbəb olub.

Bütün bunları Nicatın valideynləri deyirlər.

Dərhal xəstə Tibb Universitetinin Tədris Terapevtik Klinikasına köçürülüb. Artıq 6 gündür ki, o ayılmır.

Bu hadisə ilə bağlı elə Nicatın qohumları ilə bərabər Məlikov adına 6 saylı birləşmiş şəhər xəstəxanasına üz tutduq. Xəstəxananı qarış-qarış gəzib həkim Məmməd Nəsibovu axtardıq. Ancaq onun otağında olmadığını görüb onunla telefon əlaqəsi saxladıq. Həkim dedi ki, o, üzərinə düşən bütün öhdəlikləri yerinə yetirib. Sadəcə xəstənin bədəni keyidici dərmanı qəbul etmədiyindən şoka düşüb.

Hadisə ilə bağlı Səhiyyə Nazirliyilə əlaqə saxladıq. Qurumun mətbuat xidmətindən bildirdilər ki, artıq həkim Məmməd Nəsibovun bu işini komissiya araşdırır.

Nicat Məmmədovun isə vəziyyətinin kritik olduğu deyilir.

Videonu izləmək üçün şəklə klikləyin.