"Möcüzə qadın"ın donu niyə mübahisə doğurub? - FOTO

13 января 2018 21:15

Day.Az представляет новость на азербайджанском языке

Livanlı modelyer Elie Saab-ın Instagram-da israilli aktrisa Gal Gadot-un şəklini yerləşdirməsi internetdə əsl fırtına yaranıb.

Bir qədər keçmiş Saabın hazırladığı uzun donda olan aktrisanın görüntüsü dizaynerə məxsus sosial şəbəkə hesabından yığışdırılıb.

Wonder Woman (Möcüzə qadın) filmində baş rolu canlandıran Gal Gadot gənclikdə İsrail ordusunda təlimatçı vəzifəsində xidmət edib.

Gadot

İsraillə Livan arasında diplomatik münasibətlər mövcud deyil və 1948-ci ildən bəri ölkələr nəzəri cəhətdən müharibə şəraitində qalır.

Elie Saab-a irad tutanlar deyir ki, o, bir livanlı kimi sabiq israilli hərbçiyə geyim hazırlamalı deyildi.

"Mən Elie Saaba sevgi və hörmətlə yanaşıram, lakin açıq danışaq - o yaratdığı libasın israilli aktrisa tərəfindən geyinməsinə razıdırmı?", - məşhur livanlı jurnalist Heba Bitar öz tivitində yazıb.

Mübahisə doğurmuş postda Gal Gadot-u mavi dizayner donunda görmək olar.

Ötən il Livanda Wonder Woman filminin göstərilməsinə icazə verilməsə də, aktrisanın iştirakı ilə daha bir film nümayiş olunub.

2014-cü ildə Gal Gadot 2100 fələstinlinin ölümü ilə nəticələnən Qəzza əməliyyatını həyata keçirən İsrail ordusuna öz dəstəyini bildirmişdi.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.

Самое важное и срочное мы публикуем на странице в Telegram. Подпишись!