Dünya liderləri təyyarə qəzası ilə əlaqədar Azərbaycana başsağlığı veriblər

Dünya liderləri AZAL-ın Bakı-Qroznı reysini həyata keçirən təyyarəsinin qəzaya uğraması ilə əlaqədar Azərbaycana başsağlığı veriblər.

Day.Az AZƏRTAC-a istinadən bildirir ki, Türkiyə Prezidenti Rəcəb Tayyib Ərdoğan, Serbiya Prezidenti Aleksandar Vuçiç, Qırğızıstan Prezidenti Sadır Japarov, Pakistanın Baş naziri Şahbaz Şərif, Rusiya Federasiyasının Dağıstan Respublikasının rəhbəri Sergey Məlikov, bir sıra dövlətlərin və hökumətlərin rəsmiləri, beynəlxalq təşkilatların nümayəndələri sosial şəbəkə hesablarında etdikləri paylaşımlarda təyyarə qəzası nəticəsində həlak olanların ailələrinə və yaxınlarına başsağlığı verib, yaralıların tezliklə sağalmalarını diləyiblər.