Ronaldudan daha bir insansevər

Day.Az представляет новость на азербайджанском языке

Kriştianu Ronaldonun anadan olduğu Madeyra adası 4 gündür meşə yanğınları ilə üz-üz qalıb. Güclü külək təbii fəlakətin qarşısını almağa mane olduğundan alov bir sıra yaşayış evlərini də yarasız hala salıb, 3 nəfər həlak olub.

Day.Az goal.az-a istinadən xəbər verir ki, ulduz futbolçu doğma şəhəri Funşalda yanğından zərərçəkənlərə maddi yardım etməyə hazırdır. Ronaldo bu barədə Madeyranın rəhbəri Miqel Albukerke ilə danışıb və köməyini təklif edib. Nə qədər məbləğdən söhbət getdiyi məlum deyil.

"Madeyrada olanlar məni çox kədərləndirir. Hər kəsə güclü olmağı arzulayıram. Başqalarını xilas etmək üçün həyatını riskə atan yanğınsöndürənlərə təşəkkür edirəm. Mən sizinləyəm", - Ronaldo İnstaqram-da yazıb.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.