İDDİA: Bu səhifə vasitəsilə insanların pulu mənimsənilir?

Day.Az представляет новость на азербайджанском языке

"Fashiondeal" adlı İnstagram səhifəsində insanların pulu mənimsənilir.

Day.Az xezerxeber.az-a istinadən bildirir ki, səhifədə qeyd olunan Türkiyə nömrəsi ilə qeydiyyatdan keçilən Wathsapp nömrəsinə yazıldı, paylaşılan paltarlardan birini sifariş verildi.
Heç bir problemin olmadığını bildirən şəxs, əvvəlcə ödəmənin həyata keçirilməli olduğunu bildirdi. Məşhur banklardan birinin adını çəkən səhifə sahibi, daha sonra ödəniş qəbzini ona göndərməyi tələb etdi. Yalnız bundan sonra kargonun həyata keçiriləcəyini bildirdi.
"Tutaq ki, pulu ödədim, bəs hardan əmin olacam ki, siz paltarı göndərəcəksiniz?" sualımı isə cavavsız qaldı.... Zəmanət vermədiyini görüb ona başqa bir təklif etdik. Türkiyənin hansı şəhərində olduğunu soruşduq ki, bəlkə qonşu şəhərlərə göndərə. Bütün təkidlərimizə baxmayaraq o, şəxsi məlumatlarını verməkdən boyun qaçırdı.
Özünü ifşa etdiyini görən şəxs, bu dəfə əsəsbiləşərək "30 manata görə" məsələni uzatmayaq deyərək söhbəti yekunlaşdırdı. Görünür, 77 mindən çox izləyici olan şəxsə inananlar və pul xərcləyənlərin sayı az deyil. Sosial şəbəkələrdə elektron ticarət o qədər məşhurlaşıb ki, belə səhifələrin sayı yüzlərlədir.
Mütəxəssislər isə sifariş verməzdən əvvəl diqqətli olmağı məsləhət görürlər. Şəxsi məlumatların olmadığı səhifələrdən onlayn alqı-satqı həyata keçirilməməlidir. Hüquqşünas Xəyal Bəşirovun sözlərinə görə, fırıldaqçılığa məruz qalan şəxs, bütün məlumatlarla yanaşı yazışmaları da götürərək məhkəməyə təqdim etməlidir. Xarici vətəndaş olub-olmasından asılı olmayaraq onun məsuliyyətə cəlb olunaması həyata keçiriləcək.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.

Videonu izləmək üçün şəklə klikləyin:
Onlayn ticarət zamanı diqqətli olun!