Aİ Ukraynaya 35 milyard avro kredit verəcək

Avropa İttifaqı Ukraynaya 35 milyard avro kredit təqdim edəcək.

Day.Az xəbər verir ki, bu barədə Avropa Komissiyasının sədri Ursula Von Der Leyen "X" sosial şəbəkəsində yazıb.

O qeyd edib ki, bu vəsaitlərin Ukrayna hakimiyyətinə Rusiyanın Avropada dondurulmuş aktivlərindən gələn faizlər hesabına yönləndiriləcəyi gözlənilir.

"Rusiyanın davamlı hücumları Ukraynanın Aİ-nin davamlı dəstəyinə ehtiyacı olduğunu göstərir. Avropa Komissiyası Ukraynaya G7-nin öhdəlikləri çərçivəsində 35 milyard avro qədər kredit təqdim edəcək. Bu, Aİ-nin Ukraynanın bərpasına bir daha böyük töhfəsidir", - Ursula Von Der Leyen bildirib.