77 mindən artıq sürücü cərimələndi - Səbəb
Day.Az представляет новость на азербайджанском языке
Son günlər təhlükəsizlik kameralarının avtomobil idarə edərkən kəmərdən istifadə etməyən sürücüləri qeydə alması və elektron protokol tərtib edilərək cərimələnmələri gündəmə gəlib.
Day.Az qafqazinfo-ya istinadən xəbər verir ki, kamera vasitəsilə protokollaşdırmanın sayının artması bu mövzunu müzakirəyə çıxarıb.
Ekspert Ərşad Hüseynov qafqazinfo-ya açıqlamasında bildirib ki, bu hal ötən il qanunverciliyə əlavə edilib və 2016-cı il martın 1-dən qüvvədədir: "Bu kameralar sərnişinləri yox, yalnız sürücüləri qeydə alır. Bu pozuntunun tətbiqi isə yenilik deyil, elə həmin vaxtdan işləkdir. Hətta 2016-cı ilin may ayında belə halla qarşılaşa sürücülərdən mənə müraciət edənlər olmuşdu".
Baş Dövlət Yol Polisi İdarəsinin mətbuat katibi Kamran Əliyev qafqazinfo-ya kameralar vasitəsilə kəmərdən istfadə etməyən sürücülərlə bağlı neçə protokol tərtib edilməsi ilə dair statistikanı açıqlayıb. Belə ki, 2017-ci ilin ilk 8 ayı ərzində 77 mindən artıq sürücü təhlükəsizlik kəmərindən istifadə etmədiyi üçün cərimələnib: "Onlardan təxminən 3500-ü təhlükəsizlik kameraları vasitəsilə elektron formada protokollaşdırılıb".
Digər xəbərləri Azərbaycan dilində xüsusi Facebook səhifəmizdə izləyə bilərsiniz.
Заметили ошибку в тексте? Выберите текст и сообщите нам, нажав Ctrl + Enter на клавиатуре