İran bütün uçuşların ləğvini iyunun 16-sı saat 02:00-a qədər uzadıb

İran hakimiyyəti ölkə daxilində və beynəlxalq istiqamətlərdə bütün uçuşların ləğvini iyunun 16-da yerli vaxtla saat 02:00-a qədər uzatmaq qərarına gəlib.

Day.Az xəbər verir ki, bu barədə İran mətbuatı məlumat yayıb.

 

Bildirilib ki, İranın Mülki Aviasiya İdarəsi bununla bağlı aviasiya üçün xəbərdarlıq sistemi olan NOTAM-ın qüvvədə olma müddətini müvafiq olaraq artırıb.

İran hökumətinin nümayəndəsi Fatimə Mohacerani qeyd edib ki, hazırda ölkə daxilində sərnişin daşımaları əsasən dəmir yolu və avtomobil nəqliyyatı ilə həyata keçirilir: "Ərzaq, dərman, yanacaq və digər zəruri məhsulların daşınmasında hər hansı problem yoxdur", - deyə o vurğulayıb.