Ərdoğan Azərbaycanı Milli Qurtuluş Günü münasibətilə təbrik edib

Türkiyə Prezidenti Rəcəb Tayyib Ərdoğan 15 İyun - Milli Qurtuluş Günü münasibətilə Azərbaycan xalqını təbrik edib.

Day.Az xəbər verir ki, dövlət başçısı bununla bağlı X hesabında paylaşım edib.

"Obamız, yuvamız, göz bəbəyimiz Azərbaycanın 15 İyun - Milli Qurtuluş Gününü ən səmimi arzularımla təbrik edirəm, bütün azərbaycanlı qardaşlarıma Türkiyənin salam və sevgilərini çatdırıram", - deyə Ərdoğan qeyd edib.

Xatırladaq ki, daha əvvəl Türkiyə Prezidentinin mətbuat katibi Fəxrəddin Altun da Azərbaycanı bu münasibətlə təbrik etmişdi.