Serbiyanın Mədən və Energetika Nazirliyinin nümayəndəsi Azərbaycana səfər edəcək

Serbiyanın Mədən və Energetika Nazirliyində neft və qaz üzrə nazir müavininin vəzifəsini icra edən Saşa Kokoviç Azərbaycana səfər edəcək.

Bu barədə Day.Az-a diplomatik mənblərdəm məlumat verilib.

"O, aprelin 4-də Bakıda keçiriləcək Cənub Qaz Dəhlizi Məşvərət Şurasının iclasında iştirak edəcək", - deyə mənbə bildirib.

Qeyd edək ki, bu il aprelin 4-də Bakıda Cənub Qaz Dəhlizi Məşvərət Şurasının 11-ci iclası keçiriləcək.

Cənub Qaz Dəhlizi (CQD) Xəzər regionundan təbii qazı Avropaya nəql edir.

CQBK-ə üç əsas boru kəməri sistemi daxildir: Cənubi Qafqaz Boru Kəməri (CQBK), Trans-Anadolu Təbii Qaz Boru Kəməri (TANAP) və Trans Adriatik Boru Kəməri (TAP). Dəhlizin ilkin ötürücülük qabiliyyəti ildə 10 milyard kubmetr olmaqla, 20 milyard kubmetrə qədər artırılması mümkündür.