Bakı Dəmiryolu Vağzalında aparılan təmir-bərpa işləri yekunlaşmaq üzrədir

Day.Az представляет новость на азербайджанском языке

Bakı Dəmiryolu Vağzalında aparılan təmir-bərpa işləri yekunlaşmaq üzrədir.

Day.Az xəbər verir ki, bu barədə azvision.az-a "Azərbaycan Dəmiryolları" QSC-nın mətbuat xidmətinin rəhbəri Nadir Əzməmmədov bildirib. Onun sözlərinə görə, Bakı Vağzalında hal-hazırda tamamla işləri həyata keçirilir. 

"Bakı-Sumqayıt istiqamətində hərəkət edən qatarlararası platformalar, eyni zamanda ölkədaxili və beynəlxalq istiqamətlərdə hərəkət edən qatarlar üçün platformalar qurulub. Yollar əsaslı təmir olunub. Elektrik təhcizatı, rabitə siqnalizasiyası yenilənib". 

N.Əzməmmədov əlavə edib ki, vağzalın fasad hissəsi köhnə arxitekturasına uyğunlaşdırılıb. "İkinci mərtəbədə "ASAN Qatar" xidməti fəaliyyət göstərəcək. Birinci mərtəbədə iaşə obyektləri, kassalar olacaq. Eyni zamanda birinci mərtəbədən ikinci mərtəbəyə qalxmaq üçün eskalatorlar quraşdırılıb. Rəhbərlik çalışır ki, yaxın müddətdə işlər bitsin və vağzal təhvil verilsin".

Digər xəbərləri Azərbaycan dilində xüsusi Facebook səhifəmizdə izləyə bilərsiniz.