“Ulduz” stansiyasında relsin üzərinə düşən sərnişinin vəziyyəti

Dünən "Ulduz" stansiyasında relsin üzərinə düşən sərnişinin vəziyyəti məlum olub.

Day.Az xəbər verir ki, Trend-in sorğusuna cavab olaraq Sabunçu Tibb Mərkəzində İctimaiyyətlə əlaqələr üzrə məsul şəxs Səkinə Yusibli bildirib ki, 07.01.2025-ci il tarixində saat 22:44 radələrində 2007-ci il təvəllüdlü şəxs (kişi cinsli) Sabunçu Tibb Mərkəzinə hospitalizasiya olunub.

"Baş beynin travması diaqnozu ilə ona zəruri tibbi yardımlar göstərilib və dərhal əməliyyata alınıb. Hazırda müalicəsi Cərrahi reanimasiya şöbəsində davam etdirilir, vəziyyəti ağır qiymətləndirilir",- deyə o əlavə edib.

Qeyd edək ki, dünən saat 21:30 radələrində Bakı Metropoliteninin "Ulduz" stansiyasında qatar platformaya daxil olan zaman sərnişin relsin üzərinə düşüb. Yaşıl və Qırmızı xətlər üzrə 17 dəqiqə yubanma qeydə alınıb.