Zərərçəkənlər arasında azərbaycanlıların olub-olmaması müəyyənləşdirilir

Moskvada "Crocus City Hall"da baş verən atışmada zərərçəkənlər arasında azərbaycanlıların olub-olmaması müəyyənləşdirilir.

Bu barədə cümə günü Day.Az-ın sorğusuna cavab olaraq Azərbaycan Xarici İşlər Nazirliyindən bildiriblər.

Qeyd edək ki, Rusiyanın Moskva oblastının Krasnoqorsk şəhərində yerləşən "Crocus City Hall"a daxil olan naməlum şəxslər insanlara atəş açıblar. Rəsmi Moskva hadisəni terakt adlanıdırıb. Baş vermiş silahlı hücumda bu dəqiqəyə olan məlumata görə azı 40 nəfər ölüb, 140-dən çox yaralanan var. Əraziyə cəlb olunan xüsusi təyinantlılar artıq təmizləmə əməliyyatını icra edirlər.