Bakıda avtobusdan enən şagirdi maşın belə vurdu

Bakıda avtobusdan enən şagirdi avtomobil vurub.

Day.Az xəbər verir ki, hadisə paytaxtın Yasamal rayonu, Parlament prospektində baş verib.

Minik avtomobili dayanmış avtobusu sağdan ötməyə çalışıb. Bu zaman avtobusdan düşən məktəbli qızı vurub.

Xəsarət alan Elm və Təhsil Nazirliyinin İncəsənət Gimnaziyasının 7-ci sinif şagirdi Nərmin İmanzadə Kliniki Tibbi Mərkəzin Təcili təxirəsalınmaz tibbi yardım şöbəsinə yerləşdirilib.  

Valideyninin razılığı ilə məktəblinin də fikirlərini öyrəndik.

Həmçinin oxuyun: 5 nəfərin öldüyü dəhşətli qəza ilə bağlı dəhşətli fakt ortaya çıxdı - Hadisədən sonra... - VİDEO

Minik avtomobilinin sürücüsü isə kamera qarşısında müsahibədən imtina etdi.

O, şifahi olaraq bildirdi ki, avtobus dayanacaqdan kənarda saxlayıb və nəticədə belə hadisə baş verib.

''Baku Bus'' MMC-nin hüquq müdafiəçisi Rüstəm Cəfərov isə bu iddianın əsassız olduğunu qeyd etdi.

Rüstəm Cəfərov əlavə etdi ki, hər hansı sürücü dayanacaqdan kənarda saxlamağa cəhd etsə, bununla bağlı müvafiq tədbirlər görülür.

Həmçinin oxuyun: Bakıda dəhşətli qəza - Piyada vuruldu - ANBAAN VİDEO

Faktla bağlı Səbail rayon polis idarəsinin istintaq şöbəsində araşdırma aparılır.

Xezerxeber.az mövzu ilə bağlı daha ətraflı videomaterialı təqdim edir: