Qaribaşvili hakim “Gürcü Arzusu” Partiyasının sədri olacaq

Gürcüstanın sabiq baş naziri İrakli Qaribaşvili "Gürcü Arzusu-Demokratik Gürcüstan" Partiyasının sədri olacaq.

Day.Az xəbər verir ki, bu barədə İrakli Qaribaşvili bu gün keçirdiyi brifinqdə deyib.

O, gələcəklə bağlı planlarından danışarkən bildirib ki, siyasi şuranın hakim "Gürcü Arzusu - Demokratik Gürcüstan" Partiyasının sədri postunu tutmaq təklifini qəbul edib.

"İndi qarşımızda yeni vəzifələr var - biz payızda yeni parlamenti seçəcəyik və "Gürcü Arzusu" seçkilərdə inamlı qələbə qazanmağa hazırlaşmalıdır. Biz daha yüksək məqsədlərə doğru getməliyik", - o vurğulayıb.