Gimnastlarımız Dünya kuboku seriyasının qalibi oldu

Akrobatika gimnastikası üzrə gimnastlarımız Murad Rəfiyev vəDaniel Abbasov Beynəlxalq Gimnastika Federasiyası tərəfindən 2025-ci il Dünya kuboku seriyasının qalibi elan ediliblər.

Day.Az xəbər verir ki, bu barədə Azərbaycan Gimnastika Federasiyası məlumat yayıb.

Bildirilib ki, kişi cütlüyümüz bu mövsüm ərzində Purs (Belçika), Burqas (Bolqarıstan), Bakı (Azərbaycan) və Jeşuv (Polşa) şəhərlərində keçirilən Dünya kuboku mərhələlərində iştirak edərək, stabil və yüksək nəticələr göstəriblər.

Ümumilikdə toplanan xallarnəticəsində seriya üzrə ən yüksək nəticəyə sahib olublar.