Mərkəzi Bank tədiyə balansı üzrə proqnozu açıqlayıb

Mərkəzi Bankın proqnozlarına əsasən Azərbaycan tədiyə balansının kəsiri ölkənin ümumi daxili məhsulunun 3 faizinədək təşkil edəcək.

Day.Az Trend-ə istinadən xəbər verir ki, bunu Mərkəzi Bankın sədri Elman Rüstəmov mayın 1-də keçirdiyi mətbuat konfransında deyib.

O bildirib ki, 2020-ci ildə idxal və ixracın azalması gözlənilir. Bununla əlaqədar olaraq Mərkəzi Bank kommersiya banklarına ölkə üçün sosial əhəmiyyət daşıyan məhsulların, tibb vasitələri və ərzaq məhsullarının idxalını dəstəkləməyi tövsiyə edib.