Akademik Milli Dram Teatrında Yeni il şənlikləri təşkil olunacaq

Day.Az представляет новость на азербайджанском языке

Akademik Milli Dram Teatrında Yeni il şənlikləri təşkil olunacaq. Teatrın mətbuat xidmətindən verilən məlumata görə, şənlik münasibəti ilə hazırlanan "Rəqs edən pinqvinlər" adlı səhnə əsərinin müəllifi və rejissoru Anar Sadıqov, rejissor assistentləri Xanım Həsənova və Könül Kərimovadır.

Bu barədə Day.Az-a Teatrın Mətbuat Xidmətindən bildirilib.

Maraqlı dekorasiyası, nağılvarı tərtibatı və maraqlı obrazları ilə uşaqları sevindirəcək tamaşanın rəssam işi əməkdar mədəniyyət işçisi İlham Elxanoğluna, rəqslərin quruluşu Lalə Hacıyevaya məxsusdur.

Tamaşada əməkdar artist Elxan Quliyev və aktyor Mətləb Abdullayev (Şaxta Baba) aktrisalar İlahə Həsənova (Qar qız), Rada Nəsibova (Nono), əməkdar artistlər Əlvida Cəfərov (Toto), Şəlalə Şahvələdqızı (Lolo), Mehriban Xanlarova (La), Mirzə Ağabəyli və aktyor Elnur Qədirov (Luz), aktrisa Firuzə Balayeva (Yoyo) və aktyor Rüstəm Rüstəmov (Panda) çıxış edəcək.

Yeni il şənlikləri 23, 24, 28, 29, 30, 31 dekabrdan yanvarın 7-dək hər gün dörd seansda təqdim olunacaq.

Seanslar saat 11:00, 13:00, 15:00 və 17:00-da keçiriləcək.

Biletləri şəhərin bütün kassalarından əldə etmək olar.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.