Azərbaycanlı milyonluq maşınla qəza törətdi
Day.Az представляет новость на азербайджанском языке.

Türkiyədə Azərbaycan vətəndaşı qəza törədib.

Anspress-in məlumatına görə, hadisə turistik bölgə olan Muğlanın, Bodrum rayonunda ötən gün axşam saatlarında olub.
Azərbaycanlı sürücü, 32 yaşlı Toğrul U. idarə etdiyi 34 MMG 73 nömrəli lüks maşını ilə 56 yaşlı kişinin idarə etdiyi motoskleti vurub. Zərbənin təsirindən motosikletin sürücüsü Mustafa Yacel hadisə yerindəcə ölüb.

Toğrul U. hadisə yerindən 150 metr aralıda dayana bilib. O, qəzadan sonra maşının dövlət nömrəsini çıxarıb.

Bir milyon yüz min lirəlik süper lüks maşın sürən şəxsin limanda sürücü olaraq çalışdığı bəlli olub. Azərbaycanlı gənc polisə açıqlamasında qarşısına çıxam motosiklet sürücüsünü görmədiyini deyib.

"Əlimdən gələn bir şey yox idi. Çox təəsüflənirəm".

Qəza ilə bağlı araşdırma başlanılıb.