Tullantı təkərlərini sənət əsərinə çevrir

Day.Az представляет новость на азербайджанском языке

Əslən Laçın rayonundan olan və avtomobil şüşələrinin təmiri ilə məşğul olan Fərhad Heydərov təkər tullantılarından hazırladığı əşyalarla görənləri heyrətdə qoyur.

Day.Az xezerxeber.az-a istinadən bildirir ki, tullantı olaraq zibilə atılan avtomobil şinləri onun əlində sənət əsərinə çevrilir.

Fərhad ustanın şinlərdən hazırladığı əşyaların yanından ötüb keçənlər bu maraqlı sənət əsərlərini heyrətlə izləyirlər.

Onun təkərdən əşyalar hazırlamaq qərarına necə gəlməsi isə ən azı bu sənət əsərləri qədər maraqlıdır.
Fərhad Heydərov təkərdən hazırladığı bir çox əşyaları maraqlanan adamlara satıb. Əşyaları hazırlamaq isə ona bir neçə günə başa gəlir. Ən çox vaxt aparan isə təkərdən hazırlanan divandır.
Fərhad Heydərov ona dəstək olarsa, tullantı təkərlərdən çoxlu sayda maraqlı əşyalar düzəldərək onları faydalı bir məhsula çevirə biləcəyini deyir.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.