Şəkidə birmərtəbəli evdə yanğın olub

Şəki şəhərinin Kiçik Dəhnə kəndində ümumi sahəsi 50 m² olan birmərtəbəli 2 otaqlı evin yanar konstruksiyaları və bitişik sahəsi 30 m² olan talvarın taxta atmaları yanıb.

Fövqəladə Hallar Nazirliyindən Day.Az-a bildirilib ki, yanğın zamanı yanğınsöndürənlər tərəfindən evin içərisindən həcmi 5 litr olan 1 ədəd məişət qaz balonu təhlükəsiz əraziyə çıxarılıb.

Yaxınlıqdakı tikililər yanğından mühafizə olunub.

Yanğın yanğından mühafizə bölmələri tərəfindən söndürülüb.