AYNA velosiped parkinqləri üçün 1,1 milyonluq konstruksiyalar alır

Azərbaycan Yerüstü Nəqliyyat Agentliyi (AYNA) velosipedlərin parklanması üçün konstruksiyalar (quraşdırma daxil) alır.

Trend-in əldə etdiyi məlumata görə, artıq bununla bağlı agentlikdə müvafiq işlər start götürüb.

Alınacaq konstruksiyaların materialının paslanmayan metal ( nikel) olması və paslanma ilə bağlı 2 illik zəmanət verilməsi əsas şərtlərdəndir.

 

Eyni zamanda, bildirilir ki, hər konstruksiya 4 anker ilə yerə bərkidilməlidir. Bundan başqa, 1 konstruksiyada 5 velosipedin parklanması nəzərdə tutulur (5 yerlik).

AYNA sözügedən işlərin icrasının 1,1 milyon manata başa gələcəyini ehtimal edir.