Üç rayonda narkotik əməliyyatı: Həbslər var

Day.Az представляет новость на азербайджанском языке.


Ölkənin üç rayonunda narkotik əməliyyatı keçirilib.

Axar.az Daxili İşlər Nazirliyinin saytına istinadən xəbər verir ki, Abşeron rayonu, Novxanı qəsəbəsində Kənan Quliyevin həyətindən 568,5 qram olan 18 ədəd çətənə kolu aşkar edilib.

Kürdəmirdə isə Sığırlı kəndində yaşayan Novruz İsmayılovun həyətindən ümumi çəkisi 96 kiloqam olan 120 ədəd çətənə kolu və 1 kiloqram marixuana aşkar edilərək götürülüb.

Salyanda keçirilən əməliyyat-axtarış tədbirləri nəticəsində Qaraçala kənd sakini Qabil Abdullayevin həyətindən 18 kiloqram 10 qram olan 18 ədəd çətənə kolu, evindən isə 3 kiloqram 115 qram marixuana aşkar edilərək götürülüb.