Angela Merkel üçün oyuncaq ayı hazırlandı

Almaniyanın kansleri vəzifəsindən getmək ərəfəsində olan Angela Merkel üçün 500 oyuncaq ayı hazırlanıb.

Day.Az Lent.az-a istinadən bildirir ki, sentyabrın 26-da Almaniyada keçirilməsi planlaşdırılan seçkilərdən sonra Merkelin istefası gözlənilir.

Təxminən 40 santimetr uzunluğunda olan oyuncaq ayının saç və geyim üslubu, hətta əllərini birləşdirməsi Angela Merkelə bənzəyir.

376 manata satılacaq oyuncaq ayıdan bir ədədinin Merkelə göndəriləcəyi bildirilir.

Qeyd edək ki,  bundan öncə ABŞ prezidenti Barak Obama, Almaniyanın keçmiş kansleri Helmut Şmidt və Britaniya kraliçası II Yelizaveta üçün də oyuncaq ayılar hazırlanmışdı.