“Prius” tuneldə yük maşınına çırpıldı, sürücü ağır yaralandı

Bakının Nərimanov rayonunda yol qəzası baş verib.

Day.Az APA-ya istinadən bildirir ki, avtoqəza Heydər Əliyev prospektində qeydə alınıb.

Hərəkətdə olan "Toyota Prius" eyni istiqamətdə gedən ağır tonnajlı yük maşınına çırpılıb.

Zərbə o qədər güclü olub ki, minik avtomobili deformasiyaya uğrayıb.

Sürücü ağır xəsarət alıb.

Əraziyə təcili tibbi yardım briqadası cəlb edilib.

Baş verən qəza zamanı prospektin şəhər istiqamətində tıxac yaranıb.

Əraziyə hadisə üzrə inspektor dəvət edilib, yük maşını prospektdən kənarlaşdırılıb.