Toppuş tort resepti

Day.Az представляет новость на азербайджанском языке

Aile.lent.az dadlı toppuş tort reseptini təqdim edir.

Ərzaqlar:

0,5 kq kəsmik

1 yumurta
2 st. şəkər tozu
2 ç.q. soda
3 st. un

bişmiş krem:
4 yumurtanın sarısı
1 st. şəkər tozu
2 x.q. un
3 st. süd
 

Hazırlanması:

Kəsmiyi şəkər tozu və yumurta ilə çalın. Bir qədər saxlayın (suyu çıxacaq). Sonra soda və unu əlavə edib qarışdırın. 6 yerə bölün. Sinini yağlayın, xəmiri içinə qoyub əvvəlcədən 170 dərəcə qızdırılmış sobada 5-7 dəqiqə (qızaranadək) bişirin (ayrılıqda 6 korj bişirəcəksiniz). 

Krem üçün yumurta sarılarını şəkər tozu ilə çalıb soyuq süd və unu əlavə edin, yaxşıca qarışdırın, vam odda qatılaşanadək qarışdıraraq bişirin. Soyudun.

Korjların arasına krem çəkərək üst-üstə yığın. 

Üzərini zövqə görə bəzəyin. Şokolad yonqarı da səpə bilərsiniz.

Nuş olsun!

Digər xəbərləri Azərbaycan dilində xüsusi Facebook səhifəmizdə izləyə bilərsiniz.