Olimpiadada daha bir qalmaqal

Day.Az представляет новость на азербайджанском языке

Braziliyada keçirilən Yay Olimpiya Oyunlarında daha bir qalmaqal yaşanıb.
Milli.Az ESPN-ə istinadən bildirir ki, +100 kq çəki dərəcəsində cüdo yarışlarının 1/16 finalında Misir cüdoçusu İslam əl Şəhabi ilə İsrail təmsilçisi Or Sasson qarşılaşıblar.
Sasson qarşılaşmanın 4-cü dəqiqəsində rəqibini "ippon"la məğlub edərək qalib olub.
Qarşılaşma başa çatandan sonra Sasson rəqibinə əl uzatsa da, əl Şəhabi İsrail cüdoçusuna əlini uzatmayıb.

32 yaşlı İslam əl Şəhabi dünən bəyan edib ki, cüdodakı peşəkar karyerasını başa vurub.
Son günlərdə Misir mediasında əl Şəhabi Sasson ilə qarşılaşmadan imtinaya çağırılmışdı.

İslam əl Şəhabi 9 dəfə Afrika çempionu olub, 2010-cu il dünya çempionatında bürünc medal qazanıb. 
Beynəlxalq Cüdo Federasiyası olayı şərh edərkən bəyan edib: "Əslində, İsrail və Misir cüdoçularının qarşılaşması faktının özü belə ciddi inkişafdır".

Misirdə isə bu gün media əl Şəhabinin məğlubiyyətini "biabırçılıq" adlandıraraq prezident Əbdel Fəttah əl Sisini "Misir cüdoçusuna İsrail təmsilçisi ilə qarşılaşmağı yasaqlamadığı üçün" sərt tənqid edib.

Videonu izləmək üçün şəkilə klikləyin.

Скандал на Олимпиаде: спортсмена освистали за отказ пожать руку сопернику

Digər xəbərləri Azərbaycan dilində xüsusi Facebook səhifəmizdə izləyə bilərsiniz.