Antalyada TDT Xarici İşlər Nazirləri Şurasının qeyri-rəsmi iclası olub - YENİLƏNİB - FOTO
V Antalya Diplomatiya Forumu çərçivəsində Türk Dövlətləri Təşkilatının (TDT) Xarici İşlər Nazirləri Şurasının qeyri-rəsmi iclası keçirilib. Azərbaycan Respublikasının xarici işlər naziri Ceyhun Bayramov tədbirdə iştirak edib.
Day.Az Trend-ə istinadən xəbər verir ki, bu barədə Azərbaycan Xarici İşlər Nazirliyi məlumat yayıb.
İclasda çıxış edən Ceyhun Bayramov genişlənən geosiyasi parçalanma və davam edən münaqişələr fonunda regional əməkdaşlığın artan əhəmiyyətini vurğulayıb.
Həmçinin mütəmadi keçirilən qeyri-rəsmi Xarici İşlər Nazirləri Şurası iclaslarının əhəmiyyəti qeyd olunub. 2025-ci ilin oktyabrında Qəbələ Sammitində təsis edilən və 2026-cı ilin martında İstanbulda daha da funksionallaşdırılan "TDT+" formatının inklüziv və strateji tərəfdaşlıqların inkişafına xidmət edən mühüm alət olduğu diqqətə çatdırılıb.
Заметили ошибку в тексте? Выберите текст и сообщите нам, нажав Ctrl + Enter на клавиатуре
