Nadir Qafarzadə "Maserati"sini atıb, "Lexus"su sürür - FOTO
Day.Az представляет новость на азербайджанском языке

Müğənni Nadir Qafarzadə "Lexus" avtomobili ilə fotokameramızın önünə keçib.

Axsam.az-a açıqlama verən ifaçı "Maserati" markalı digər maşınını idarə etmədiyini deyib: "Hazırda iki maşınım var. İndi "Lexus"u sürürəm. Digər avtomobil məndə kompleks yaratdı. Yolda bütün diqqət üzərimə cəmlənirdi. Axı o, qəşəng, gözəgəlimlidir. Özüm kimi yaraşıqlıdır. Bu da məni narahat etdi. Elə maşın istədim ki, hamıda olsun, rahat sürə bilim".

Müğənni, həmçinin məhkəmədə əməkdar artist Cavanşir Məmmədova uduzmasından da söz açıb: "İnsan əsəbi olanda çox söz deyir. Biz, əslində, barışmışdıq. Amma nədənsə Cavanşir bəy məni məhkəməyə verdi. Təzminatı ödəmək maddi durumumun ən pis vaxtına düşdü. Toylar yoxdur. Oğlum xaricdə oxuyur. Problemlərim çox idi. Amma mən əyilməyi xoşlamıram. Heç kimin yanında dilim qısa olsun istəmədim. Cavanşir Məmmədovu görəndə başıaşağı olmayım deyə pulu ödədim. Onunla üz-üzə gəlməyi arzulamıram. Çünki qarşılaşsaq, başımı çevirəcəm. Bu, böyüyə hörmətsizlikdir. 10 min bu qədərmi önəmli idi? Biz eyni səhnəni bölüşürük axı. Vəkili mənə təzyiq edirdi ki, ödəməsəniz, daha yüksək yerlərə müraciət edəcəm, evinizi satışa qoyacam. Hər gün zənglər, məktublar gəlirdi, bezdim. Cavanşirə düşmən deyiləm. Eybi yox".

Qeyd edək ki, N.Qafarzadə "qoca gey" sözünə görə Nəsimi rayon Məhkəməsinin qərarına əsasən, C.Məmmədova 10 min manat ödəyib.

Böyütmək üçün şəkillərə klikləyin.