https://news.day.az/azerinews/1875767.html Sürücü avtobusu saxlamadı, sərnişin şüşəni sındırıb qaçdı - VİDEO Dünən paytaxtın Yasamal rayonu ərazisində xuliqanlıq hadisəsi baş verib. Day.Az xəbər verir ki, naməlum şəxs 65 saylı müntəzəm marşrut xətti üzrə hərəkətdə olan 99-JP-013 dövlət qeydiyyat nişanlı avtobusun dayanacaqdan kənarda saxlanılmasını təlbə edib.

Sürücü avtobusu saxlamadı, sərnişin şüşəni sındırıb qaçdı - VİDEO

Azərbaycanca, 20 ноября 2026 12:07 (UTC +04:00) 137
Sürücü avtobusu saxlamadı, sərnişin şüşəni sındırıb qaçdı

Dünən paytaxtın Yasamal rayonu ərazisində xuliqanlıq hadisəsi baş verib.

Day.Az xəbər verir ki, naməlum şəxs 65 saylı müntəzəm marşrut xətti üzrə hərəkətdə olan 99-JP-013 dövlət qeydiyyat nişanlı avtobusun dayanacaqdan kənarda saxlanılmasını təlbə edib. Sürücü ona avtobusu qarşıdakı dayanacaqda saxlayacağını bildirsə də, həmin şəxs əsəbi halda tələblərinə davam edib və cəmiyyətə açıq hörmətsizlik nümayiş etdirərək xuliqanlıq əlamətləri daşıyan hərəkətlərə yol verib.

Həmin şəxs avtobusun salonunda quraşdırılmış Azərbaycan Yerüstü Nəqliyyat Agentliyinə məxsus elektron ödəniş avadanlığına zərər vurub, daha sonra avtobusun ön qapısının şüşəsini təpik zərbəsi ilə sındıraraq hadisə yerindən uzaqlaşıb.

Hadisə avtobusda quraşdırılmış müşahidə kamerası vasitəsilə videogörüntüyə alınıb.

Faktla bağlı polisin "102" qaynar xəttinə məlumat verilib, müvafiq tədbirlər görülür.

Попробуй подписку Trend Premium за 1$
Присоединяйтесь к нам в мессенджерах:

Заметили ошибку в тексте? Выберите текст и сообщите нам, нажав Ctrl + Enter на клавиатуре

Лента новостей

Еще новости