Avtobusda nasazlıq böyük tıxaca səbəb oldu

Bu gün səhər saatlarında Bakı-Sumqayıt yolunun köməkçi hissəsində tıxac yaranıb.

Day.Az xəbər verir ki, görüntülər sosial şəbəkələrdə yayılıb. 

508 saylı xəttə məxsus avtobus yolun hərəkət hissəsində qalıb.

Nəticədə köməkçi yolda hərəkət məhdudlaşıb və avtomobillər Xırdalan şəhəri istiqamətinə yönləndirilib. Problem 1 saatdan artıq davam edib və böyük tıxac yaranıb.