Şuşadakı uşaq yaradıcılıq festivalı türk xalqları arasında dostluğu gücləndirəcək

Şuşada üçüncü ildir ki baş tutan beynəlxalq uşaq yaradıcılıq festivalı gələcəkdə türk xalqları uşaqları arasında dostluq əlaqələrini möhkəmləndirəcək.

Day.Az xəbər verir ki, bunu elm və təhsil nazirinin müavini Firudin Qurbanov jurnalistlərə açıqlamasında deyib.

 

Onun sözlərinə görə, keçirilən bu festivalın olduqca böyük əhəmiyyəti var:

"Eyni zamanda uşaqlar bu festivalda öz yaradıcılığını nümayiş etdirirlər. Bu çox önəmlidir. Gələcəkdə yaradıcı uşaqların ölkənin inkişafında çox böyük əhəmiyyət daşıdığını bilməliyik. Buna görə də çalışmalıyıq ki, ölkəmizdə sistemi yaradaq".