Azərbaycan karateçiləri Parisdə ilin ilk turnirinə qatılacaqlar

Dünya Karate Federasiyası (WKF) Parisdə keçiriləcək yeni mövsümün ilk Premyer Liqasında iştirakçı ölkələrin sayını açıqlayıb.

İdman.biz xəbər verir ki, yarış 70 ölkədən 400-ə yaxın idmançını bir araya gətirəcək.

Onların arasında Azərbaycan karateçiləri Turqut Həsənov (84 kq), Fidan Teymurova (50 kq) və Nuran Rzazadə (67 kq) olacaq.

Qeyd edək ki, yanvarın 24-26-da baş tutacaq Premyer Liqada iştirakçılar dünya çempionatına vəsiqə qazanmaq şansı əldə edəcəklər.