Bərdədə uçqun baş verən bina uşaq bağçası olmayıb

Bərdə şəhər 4 nömrəli körpələr evi-uşaq bağçasının inzibati binasında heç bir uçqun və dağıntı halı qeydə alınmayıb.

Day.Az xəbər verir ki, bu barədə MÜTDA məlumat yayıb.

Bildirilib ki, hadisə müəsssiənin qarşısında yerləşən yaşayış binasının eyvan hissəsində baş verib.

"Bağçanın binasına hər hansı bir zərər dəyməyib",- deyə məlumatda qeyd edilib.

Qeyd edək ki, Bərdə şəhəri, Təbriz küçəsində yaşayış binasının eyvanı uçub. 1 nəfər qadın dağıntı altından çıxarılıb.