Sumqayıtda yaşayış binasında yanğın

Sumqayıt şəhərində doqquzmərtəbəli yaşayış binasında yanğın baş verib.

Day.Az-ın Fövqəladə Hallar Nazirliyinə istinadən verdiyi məlumata görə, hadisə binanın 7-ci mərtəbəsində, pilləkən qəfəsində quraşdırılan 6 elektrik sayğacı, 6 qoruyucu açar və 3 paq.m elektrik kabelinin yanması nəticəsində baş verib.

Yanğınsöndürənlər tərəfindən 7 nəfər bina sakini təhlükəsiz əraziyə təxliyə edilib. Mənzillərə yanğının keçməsinin qarşısı alınıb və alov yanğından mühafizə bölmələri tərəfindən söndürülüb.