Juninyo qəhrəman oldu, 1 dəqiqəyə qol vurdu

"Qarabağ" klubunun sabiq futbolçusu Juninyo "Flamenqo"nun heyətində növbəti dəfə fərqlənib.

Day.Az Offsideplus.az-a istinadən xəbər verir ki, 28 yaşlı hücumçu CONMEBOL Libertadores Kubokunun qrup mərhələsinin ilk turunda Venesuelada qol vurub.

O, "Deportivo Taçira" ilə matçın qəhrəmanına çevrilib. 56-cı dəqiqədə meydançaya daxil olan braziliyalı futbolçu cəmi 1 dəqiqə sonra qarşılaşmadakı yeganə qolun müəllifinə çevrilib.

Bu, 3 ay öncə "Qarabağ"ı "Flamenqo"ya dəyişən Juninyonun yeni klubunda keçirdiyi 11-ci oyunda 3-cü qolu olub.