Masallı rayonunda yanğın baş verib

Masallı rayonunun İkinci Yeddioymaq kəndində baş verən yanğın nəticəsində mətbəxin bir hissəsi zərər görüb.

Day.Az xəbər verir ki, bu barədə Fövqəladə Hallar Nazirliyi məlumat yayıb.

 

Ümumi sahəsi 270 m² olan ikimərtəbəli 4 otaqlı evin 1-ci mərtəbəsində mətbəxin tavanı 12 m² sahədə, 3 paq.m mətbəx mebeli və 1 ədəd soyuducu yanıb.

Yanğın zamanı bir nəfər tüstüdən zəhərlənib, lakin evin qalan hissəsi yanğından mühafizə olunub. Yanğın hadisəsi yanğından mühafizə bölmələri tərəfindən söndürülüb. Zərərçəkənin vəziyyəti barədə əlavə məlumat verilməyib.